18 декември 2008 година, Скопје

По повод Божиќните и новогодишните празници, Евро-Атлантскиот Совет на Македонија организира празничен појадок со резидентните амбасадори во Република Македонија кој се одржи на 18 декември 2008 година (четврток) во 09.00 часот во хотел Стоунбриџ.

23 – 26 ноември 2008 година, Белград

Од 23 – 26 ноември 2008 година генералниот секретар на ЕАСМ Билјана Радева зеде учество на координативниот состанок на Балкан Мозаик мрежата кој се одржа во Белград. Целта на овој состанок беше да ги собере на едно место претставниците од сите земји учеснички во форумот за пресек и финализирање на досегашниот успех на проектот, како и насоките за негов натамошен развој.

21 ноември 2008 година, Скопје

На 21 ноември 2008 година во Скопје, Евро-Атлантскиот Совет на Македонија и Чешката асоцијација за евро-атлантска соработка, Jagello, организираа еднодневна конференција на која се дискутираше македонско-чешкото пријателство, македонските и чешките искуства од процесот на реформите во одбранбениот сектор, како и напорите на Република Македонија за стекнување со полноправно членство во НАТО.  

10 – 12 ноември 2008 година, Берлин

Од 10 -12 ноември 2008 година делегација на Евро-Атлантски Совет на Македонија предводена од претседателот Лазар Еленовски зема учество на 54-то Генерално Собрание на Светската Атлантска Асоцијација (АТА) во Берлин.

16 – 26 октомври 2008 година, Атина

Како резултат на добрата соработка која Евро-Атлантскиот Совет на Македонија (ЕАСМ) ја развива со Грчката Асоцијација за Атлантска и Европска Соработка (GAAEC), ЕАСМ испрати двајца млади новинари кои добија стипендии да ја посетуваат школата за млади новинари Euro-Mediterranean Journalism Institute (EMJI) во Атина од 18 до 26 Октомври.

Во насока на промоција на идеата за заеднички дух и градење на пријателски односи и мостови на партнерство, Евро-Атлантскиот Совет на Македонија и во 2008 година зеде учество на традиционалниот NATO Partnership Running Festival во организација на NATO PDD кој се одржа на 12-ти октомври во Будимпешта. ЕАСМ испрати група од тројца учесници, Лидија Зорба, Крсте Делевски и Емил Илиќ, познати атлети и искусни маратонци за учество на Третиот NATO Partnership Running Festival.