Во насока на исполнување на своите активности за промоција на евро-атлантската идеја и вредности, Евро-Атлантскиот Совет на Македонија (ЕАСМ) активно е вклучен во глобалната безбедносна дебата за Новиот стратешки концепт на НАТО кој треба да се усвои на Самитот на Алијансата во ноември во Лисабон.

По одржувањето на конференција на тема посветена на Новиот стратешки концепт на НАТО, неколку дебати, како и преку свое учество на настани од областа во регионот, ЕАСМ ја сублимира својата работа преку истражување и изработка на Анализа и ставови за Новиот Стратешки Концепт на НАТО.
Во таа насока, на 4 ноември 2010 година во хотел Стоунбриџ во Скопје со почеток во 12.00 часот, ЕАСМ ќе одржи презентација на Анализата со цел запознавање на пошироката јавност по ова прашање.

Поканети гости на настанот се дипломатските претставници во Република Македонија, претставници на државните институции на РМ, политичките партии, универзитетски професори, невладини организации и претставници на медиумите.