На 20 декември 2013 година, Атлантскиот Совет на Албанија ја организираше својата 16та годишна меѓународна конференција со наслов “За поголема улога на балканските држави во меѓународната безбедност”, во хотел Мондиал, Тирана.



Претставник од Евро – Атлантскиот Совет на Македонија на оваа конференција беше потпретседателот на ЕАСМ, г-дин Исмет Рамадани.

Г-дин Рамадани говореше во првата сесија заедно со претседателот на Атлантскиот Совет на Албанија, г-дин Ариан Старова и потпретседателот на Светската Атлантската Асоцијација, г-дин Фабрицио Лучиоли.

Исто така, на оваа конференција имаше говорници од Албанија, Црна Гора, Косово, Италија, Грција, Турција, Босна и Херцеговина и Хрватска. Конференцијата беше посетена од 150 учесници од различен профил како безбедносни експерти, студенти, претставници од дипломатскиот кор во Тирана, воени офицери, професори, членови на Атлантскиот совет на Албанија, новинари итн.