По повод денот на НАТО кој го одбележува основањето на НАТО и потпишувањето на Вашингтонскиот Договор, како и по повод посетата на претседателот на Светската АТА, проф. д-р. Фабрицио Лучиоли, Евро-Атлантскиот Совет на Македонија во соработка со Министерството на одбрана на Македонија, НАТО Канцеларијата за врски и Хрватската амбасада во Скопје, организираше трибина насловена “НАТО и Ти”. Покрај трибината беа организирани низа активности од страна на Министерството на одбрана.

На 27ми и 28ми февруари 2018, Г-дин Илија Џугуманов од Претседателството на АТА Македонија беше во посета на седиштето на НАТО во Брисел како дел од тренингот на АТА работната група за комуникации организирано од Меѓународната АТА организација во соработка со Секторот за Јавна Дипломатија на НАТО.

АТА Македонија во соработка со GLOBSEC Policy Institute од Република Словачка спроведува истражувачки партнерски проект насловен: “Справување со дезинформациите во Централна и Југоисточна Европа: Мапирање на потребите, градење на капацитети, и генерирање на граѓански активизам”, кој е поддржан од Стејт Департментот на САД, а во кој ќе бидат вклучени 8 земји/организации.

По повод посетата на претседателот на АТА Бугарија д-р Соломон Паси, Претседателството на Евро-Атлантскиот Совет на Македонија организираше работен ручек и оствари средба со д-р Паси на 16ти февруари 2018та година (петок). За време на средбата беа разгледани можностите за потенцијална соработка и идните заеднички активности со АТА Бугарија.

Завршната конференција од истражувачкиот проект на Евро-Атлантскиот Совет на Македонија, насловен „Зајакнување на младинскиот дијалог за промоција на демократските процеси во духот на евро-атлантските
интеграции“ се одржа на 13.12.2017 (Среда) во Скопје, во просториите на Клубот на Пратеници.