Со оглед на големото значење што го има Одделот за воздухопловни единици при Министерството за внатрешни работи при креирањето на безбедносната политика и зачувувањето на стабилна безбедносна состојба во Република Македонија, претставници од младината на Евро-Атлантскиот Совет на Македонија – ЈАТА Македонија, учествуваа на предавањето на тема “Улогата на Хеликоптерската единица за полициски намени во безбедносниот систем на Република Македонија”.

Предавањето се одржа на 25.04.2013 година со почеток во 12:00 часот, во Центарот за обука – Идризово, а беше организирано од страна на Истражувачкиот центар за безбедност, одбрана и мир, во соработка со Одделот за воздухопловни единици, Хеликоптерската единица за полициски намени “Јастреби”.

Покрај претставниците на ЈАТА Македонија, на предавањето присуствуваа студенти и соработници од Факултетот за безбедност – Скопје иВоената академија “Генерал Михаило Апостолски”.

По воведните поздравни обраќања, свои излагања и презентации имаа експерти од летачкиот и техничкиот кадар од Хеликоптерската единица за полициски намени, при што во своето стручно излагање ги опфатија следниве теми:

-Историјат и формирање на Хеликоптерската единица;
-Организациската поставеност на Хеликоптерската единица за полициски намени во Министерството за внатрешни работи;
-Употреба на полициските воздухоплови;
-Значењето на Хеликоптерската единица за зголемување на ефикасноста во полициското работење и некои акции во кои била вклучена;

Повеќе за историјатот, формирањето, организациската поставеност, употребата и многу повеќе за Хеликоптерската единица, на следниот линк.