По повод завршувањето на проектот, насловен “Оспособување на младината за активно учество во процесот на донесување одлуки”, Евро-Атлантскиот Совет на Македонија во соработка со Амбасадата на Република Бугарија организираше Завршна Конференција со која ги презентираше резултатите од шестмесечното истражување, го покрена прашањата за младинско учество и разви дискусија за предизвиците и бариерите кои влијаат врз младинскиот ангажман.

По повод заминувањето на г-ѓа Даниела Боудинова, Заменик Шеф на Делегацијата во Амбасадата на Република Бугарија во Скопје и по покана на амбасадорот Ангел Ангелов, г. Исмет Рамадани, Претседател на АТА Македонија и г-дин Илија Џугуманов, член на Претседателството на АТА, присуствуваа на Поздравниот коктел, кој беше организиран во Бугарската Амбасада во Скопје во понеделник, 7 октомври 2019 година, во 18:00 часот.

За време на вториот ден од работната посета на Република Бугарија која е дел од проектот на Евро-Атлантскиот Совет на Македонија, насловен: “Оспособување на младината со цел активно учество во процесот на донесување одлуки“, учесниците и тимот на АТА Македонија ги посетија Кабинетот на Претседателот на Република Бугарија, Министерството за Одбрана на Република Бугарија и Атлантскиот Клуб на Бугарија.

Евро-Атлантскиот Совет на Македонија (АТА Македонија) во остварувањето на својата функција, која подразбира промоција на Евро-Атлантската идеја и вредности во нашето општество, започна нов проект кој се остварува во соработка со Амбасадата на Република Бугарија во Република Северна Македонија.

Со Договорот за пријателство и добрососедски односи помеѓу Република Северна Македонија и Република Бугарија, уште еднаш беше потенцирана улогата на младинската соработка и потребата од мобилност и учество помеѓу двете држави, со цел учење од искуството на Република Бугарија во процесот на донесување одлуки, како повеќегодишна членка на ЕУ и НАТО.